Author: fridaynews

វិធីសាស្រ្តដោះស្រាយបំណុលយ៉ាងមានប្រសិទ្ធភាព សម្រាប់ជីវិតហិរញ្ញវត្ថុមានស្ថិរភាព នៅក្នុងស្ថានភាពសេដ្ឋកិច្ចបច្ចុប្បន្ន បំណុលក្លាយជាបញ្ហាដែលមនុស្សជាច្រើនកំពុងប្រឈមមុខ។ មិនថាជាបំណុលធនាគារ បំណុលមិត្តភក្តិ ឬបំណុលស្ថាប័នហិរញ្ញវត្ថុឡើយ ការគ្រប់គ្រង និងដោះស្រាយបំណុលឲ្យបានត្រឹមត្រូវ គឺជាចំណុចសំខាន់សម្រាប់រក្សាស្ថិរភាពជីវិត និងអនាគតហិរញ្ញវត្ថុ។ ១. វាយតម្លៃស្ថានភាពបំណុលជាក់ស្តែង ជំហានដំបូង គឺត្រូវធ្វើបញ្ជីបំណុលទាំងអស់ រួមមានចំនួនប្រាក់ អត្រាការប្រាក់ និងកាលកំណត់សង។ វាអាចជួយឲ្យយើងយល់ច្បាស់ពីទំហំបំណុល និងរៀបចំផែនការសងបានមានប្រសិទ្ធភាព។ ២. កំណត់អាទិភាពក្នុងការសង អ្នកជំនាញណែនាំឲ្យផ្តល់អាទិភាពលើបំណុលដែលមានអត្រាការប្រាក់ខ្ពស់ជាមុន ដើម្បីកាត់បន្ថយការចំណាយបន្ថែម។ ការសងបំណុលតាមលំដាប់អាទិភាព អាចជួយកាត់បន្ថយបន្ទុកហិរញ្ញវត្ថុបានលឿនជាងមុន។ ៣. រៀបចំផែនការចំណាយប្រចាំខែ ការធ្វើថវិកាចំណាយប្រចាំខែ ជួយឲ្យអ្នកគ្រប់គ្រងប្រាក់ចំណូល និងចំណាយបានល្អ។ ការកាត់បន្ថយចំណាយមិនចាំបាច់ និងបម្រុងប្រាក់សម្រាប់សងបំណុល គឺជាចំណុចសំខាន់ក្នុងការដោះស្រាយបំណុល។ ៤. ពិភាក្សាជាមួយម្ចាស់បំណុល ក្នុងករណីមានការលំបាកក្នុងការសង អ្នកអាចពិភាក្សាជាមួយម្ចាស់បំណុល ដើម្បីស្នើសុំបន្ថយការប្រាក់ ឬប្តូរកាលវិភាគសង។ Read more

ក្នុងសង្គមសម័យទំនើបដែលចរាចរណ៍កាន់តែមានភាពស្មុគស្មាញ ការគោរពច្បាប់ចរាចរណ៍មិនត្រឹមតែជាកាតព្វកិច្ចរបស់ប្រជាពលរដ្ឋទេ ប៉ុន្តែជាកត្តាសំខាន់មួយសម្រាប់ការពារជីវិត និងសុវត្ថិភាពរបស់មនុស្សគ្រប់រូប។ អាជ្ញាធរពាក់ព័ន្ធបានរំលឹកជាញឹកញាប់ថា គ្រោះថ្នាក់ចរាចរណ៍នៅតែជាបញ្ហាធ្ងន់ធ្ងរ ដែលបណ្តាលឲ្យមានការបាត់បង់ជីវិត និងរបួសជាច្រើនរៀងរាល់ឆ្នាំ។ តាមការសង្កេតការណ៍ជាក់ស្តែង មូលហេតុចម្បងនៃគ្រោះថ្នាក់ចរាចរណ៍ រួមមាន ការបើកបរលើសល្បឿនកំណត់ ការបើកបរពេលស្រវឹង ការមិនពាក់មួកសុវត្ថិភាព និងការមិនគោរពសញ្ញាចរាចរណ៍។ សកម្មភាពទាំងនេះ មិនត្រឹមតែគំរាមកំហែងដល់ជីវិតអ្នកបើកបរផ្ទាល់ទេ ប៉ុន្តែថែមទាំងប៉ះពាល់ដល់អ្នកដទៃ និងគ្រួសាររបស់ពួកគេផងដែរ។ អ្នកជំនាញផ្នែកសុវត្ថិភាពចរាចរណ៍បានលើកឡើងថា “ការគោរពច្បាប់ចរាចរណ៍ គឺជាការគោរពជីវិត” ព្រោះគ្រប់សកម្មភាពប្រកបដោយការប្រុងប្រយ័ត្ន អាចជួយកាត់បន្ថយហានិភ័យ និងការបាត់បង់ដ៏អនិច្ចា។ ជាពិសេស ការពាក់មួកសុវត្ថិភាព និងការប្រើខ្សែក្រវាត់សុវត្ថិភាព គឺជាវិធានការងាយស្រួល ប៉ុន្តែមានប្រសិទ្ធភាពខ្ពស់ក្នុងការពារជីវិត។ ជាមួយគ្នានេះ អាជ្ញាធរបានអំពាវនាវឲ្យប្រជាពលរដ្ឋទាំងអស់ ចូលរួមគោរពច្បាប់ចរាចរណ៍ដោយស្មារតីទទួលខុសត្រូវ និងយល់ដឹងខ្ពស់។ ការអប់រំ និងការផ្សព្វផ្សាយអំពីសុវត្ថិភាពចរាចរណ៍ គួរត្រូវបានបន្តអនុវត្តយ៉ាងទូលំទូលាយ ដើម្បីបង្កើនការយល់ដឹង និងបំផុសចិត្តសាធារណៈ។ ជាសារសំខាន់ Read more

ខេត្តស្វាយរៀង៖ មហាជនបានរិះគន់ ថា កាស៊ីណូ៦៧ បើកល្បែងបញ្ជល់មាន់ ហើយបើកឲ្យប្រជាពលរដ្ឋខ្មែរចូលលេងភ្នាល់ល្បែងជល់មាន់ដោយសេរី ផ្គើនគោលនយោបាយភូមិឃុំ/សង្កាត់មានសុវត្ថិភាពដែលរាជរដ្ឋាភិបាលចេញបទបញ្ជាឲ្យរដ្ឋបាលថ្នាក់ក្រោមជាតិចុះបង្ក្រាបបិទល្បែងស៊ីសងគ្រប់ប្រភេទដើម្បីសុវត្ថិភាពសន្តិសុខសណ្តាប់ធ្នាប់នៅមូលដ្ឋាន ជាពិសេស កំពុងបំពានច្បាប់នៃព្រះរាជាណាចក្រកម្ពុជា ដែលមិនអនុញ្ញាតឲ្យពលរដ្ឋខ្មែរ ចូលលេងល្បែងសុីសង ក្នុងកាសុីណូ ឡើយ ។ មហាជនលើកឡើងនេះកើតឡើងនៅវេលាម៉ោង១និង០០នាទីរសៀលថ្ងៃទី២៧ ខែវិច្ឆិកា ឆ្នាំ ២០២៥ នៅភូមិស្រម៉ឃុំសំរោងស្រុកចន្ទ្រា។ ប្រជាពលរដ្ឋស្រុកចន្ទ្រាបានលើកឡើងថា ពួកគាត់មានការណ៍ព្រួយបារម្ភពីសុវត្ថិភាពសន្តិសុខគ្រួសារដោយប្តីនិងកូនចៅពួកគាត់បាននាំគ្នាទៅផ្សងសំណាងលេងល្បែងជល់មាន់នៅក្នុងកាស៊ីណូ៦៧ គេបើកបញ្ជល់មាន់ ហើយឲ្យខ្មែរចូលលេងដោយសេរីព្រួយបារម្ភៈពេលប្តីនិងកូនៗពួកគាត់ចាញ់ល្បែង ត្រឡប់មកវិញបង្កអំពើហិង្សាក្នុងគ្រួសារ ប៉ះពាល់ដល់ជីវភាពគ្រួសារ អសន្តិសុខ មានចោរលួចចោរប្លន់ ។ បើតាមសមត្ថកិច្ចនគបាលស្រុកចន្ទ្រា (សុំមិនបញ្ចេញឈ្មោះ) បានប្រាប់អ្នកសារព័ត៌មានយើងថា ការស៊ីណូ៦៧ មានទីតាំងនៅច្រកទ្វាតំបន់ព្រំដែនសំរោង ស្ថិតនៅភូមិស្រម៉ ឃុំសំរោង ស្រុកចន្រ្ទា ត្រូវបានសមត្ថកិច្ចថ្នាក់ជាតិបានចុះទៅបិទម្តងរួចហើយ ដោយអនុវត្តតាមបទបញ្ជាពីរាជរដ្ឋភិបាល បិទបាន១រយៈ ស្រាប់តែលោកបានទទួលព័ត៌មានពីអាជ្ញាធរ Read more

(ព្រៃវែង)៖ ថ្លែងក្នុងបទសម្ភាសន៍តាមប្រព័ន្ធTelegram នៅថ្ងៃ០៩.១១.២០២៥ លោកឧត្ដមសេនីយ៍ត្រី កែវ ជា នាយប៉ុស្តិ៍នគរបាលច្រកទ្វារព្រំដែនអន្តរជាតិកោះរកា បានទទួលស្គាល់ថា រូបលោកនិងមន្ត្រីក្រោមឱវាទ ពិតជាបានយកលុយពីកម្មករជនជាតិវៀតណាម ដែលធ្វើដំណើរចេញចូល តាមច្រកទ្វារព្រំដែនមួយនេះ ក្នុងម្នាក់ៗចំនួន២០.០០០ដុងលុយវៀតណាម ប្រាកដមែន..!!។ដោយលោក កែវ ជា បញ្ជាក់ថា លុយគេឱ្យហើយ បើយើងមិនយកមានតែមនុស្សឆ្កួត…!!។ បើតាមលោក កែវ ជា លុយដែលលោក ទទួលយកពីកម្មករវៀតណាម ជាថ្នូរនឹងការត្រួតពិនិត្យបំពេញឯកសារ ដែលពួកគេចេញចូលទៅមក បម្រើការងារជាប្រចាំតាមបណ្ដា(បេន)ស្រូវនានា ក្នុងដីខាងខ្មែរ ក្បែរច្រកទ្វារព្រំដែនអន្តរជាតិកោះរកា ស្រុកពាមជរ ខេត្តព្រៃវែង។ស្របពេលដែលលោក កែវ ជា និយាយថា (បេន)ស្រូវមានចំនួន៧កន្លែង អញ្ចឹងតម្រូវការពលកម្ម នៃកម្មករវៀតណាម ក្នុង១ថ្ងៃៗ រាប់រយនាក់ឯណោះ.!!។ ក្រៅពីប្រកាសទទួលស្គាល់រឿង Read more

(បន្ទាយមានជ័យ)៖ បន្ទាប់ពីស្ងប់ស្ងាត់៣យប់ នៅថ្ងៃទី១៧ ខែតុលា ឆ្នាំ២០២៥នេះ ថៃ បន្តចាក់សំឡេងរំខានអ្នកភូមិជោគជ័យ ដែលមានកម្រិតរលកសំឡេងខ្ពស់បំផុត។ កាលពីថ្ងៃ១០ ដល់ ១៣ ខែតុលា ឆ្នាំ២០២៥ បុគ្គលថៃ ជ្រុលនិយម បើកដៃដោយកងទ័ពថៃ និងអាជ្ញាធរខេត្តស្រះកែវ បានចាក់សំឡេងរំខានពលរដ្ឋភូមិជោគជ័យ និងព្រៃចាន់រួចម្តងមកហើយ។ បន្ទាប់ពីមានការប្រតិកម្មជាច្រើនពីគណៈកម្មាធិការសិទ្ធិមនុស្សកម្ពុជា ក៏ដូចជាអ្នកសិទ្ធិមនុស្ស សមាជិកព្រឹទ្ធសភា និងអ្នកនយោបាយថៃ ពួកគេបានផ្អាកការចាក់សំឡេងរំខាននេះចំនួន៣យប់មកហើយ។ នៅវេលាម៉ោង ៥៖៣០នាទីល្ងាចថ្ងៃសុក្រ ទី១៧ ខែតុលា ឆ្នាំ២០២៥នេះ បុគ្គលជ្រុលនិយមរបស់ថៃ បើកដៃដោយយោធាថៃ និងអាជ្ញាធរខេត្តស្រះកែវ បានបន្តចាក់សំឡេងរំខានពលរដ្ឋនៅភូមិជោគជ័យ ទីកន្លែងដែលថៃ បានរំលោភបំពានព័ទ្ធបន្លាលួសយកដីចម្ការ ស្រែ និងផ្ទះសម្បែងរបស់ប្រជាពលរដ្ឋខ្មែរ។ ការចាក់សំឡេងរំខានពេលនេះ គេប្រើឧបករណ៍បំពងសំឡេងចំនួន៤រថយន្ត។ របៀបនៃការចាក់សំឡេងនេះ Read more

ថ្ងៃសុក្រ ១០រោច ខែអស្សុជ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៧ ខែតុលា ឆ្នាំ២០២៥ កងរាជអាវុធហត្ថលើផ្ទៃប្រទេស សូមប្រកាសព័ត៌មានជូនសាធារណជន និងអ្នកសារព័ត៌មានដូចខាងក្រោម៖ តាមសេចក្តីរាយការណ៍របស់លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្តព្រះសីហនុ មេត្តាជ្រាបថា នៅថ្ងៃទី១៥ ខែតុលា ឆ្នាំ២០២៥ កម្លាំងជំនាញកងរាជអាវុធហត្ថស្រុកព្រៃនប់ បានទទួលព័ត៌មានពីឈ្មោះ ថោង សេរីវិសិដ្ឋ អាយុ៣៦ឆ្នាំ និងប្រពន្ធឈ្មោះ ថន សុជាតិ អាយុ៣០ឆ្នាំ មុខរបរបើកបរឡានដឹកទំនិញ មានទីលំនៅស្ថិតនៅភូមិក្រសាំង ឃុំក្រសាំង ស្រុករមាសហែក ខេត្តស្វាយរៀង បញ្ជាក់ថា “មានបុគ្គល១នាក់ ភេទប្រុស ជិះម៉ូតូ១គ្រឿង ម៉ាកADV ពណ៌ខ្មៅ ពាក់ស្លាកលេខ ភ្នំពេញ Read more

ខេត្តស្វាយរៀង៖ មានរថយន្តធុនធំយីឌុបប្រភេទវ៉េអងជាច្រើនគ្រឿងដឹកទំនិញលើសទ្រុងសង្ស័យជាទំនិញគេចពន្ធធ្វើចរាចរណ៍លើដងផ្លូវឆ្ពោះទៅច្រករបៀងចំការម្ទេសឃុំទួលស្ដីស្រុកចន្ទ្រាខេត្តស្វាយរៀង ដោយផ្ទេរដាក់ក្នុងឃ្លាំងស្តុកទំនិញចំនួន០២នៅជិតប៉ុស្តិ៍នគបាលវរៈការពារព្រំដែនច្រករបៀងចម្ការម្ទេស ត្រៀមផ្ទេរទៅរថយន្តវៀតណាមឆ្លងដែនមកដឹកឆ្លងដែនទៅប្រទេសវៀតណាម ដោយពុំមានឃើញសមត្ថកិច្ចណាមករំខាន ឡើយ។ ករណីនេះបានកើតឡើងនៅថ្ងៃទី២៤ខែសីហាឆ្នាំ២០២៥នៅចំណុចប៉ុស្តិ៍វរៈការពារព្រំដែននៃច្រករបៀងចំការម្ទេសស្ថិតនៅឃុំទួលស្ដី ស្រុកចន្ទ្រា។ បើតាមប្រជាពលរដ្ឋដែលរស់នៅក្នុងភូមិចំដូនទៃ ឃុំទួលស្ដី ស្រុកចន្រ្ទាបានឲ្យដឹងថា មានរថយន្តយីឌុប ធុនយក្ស ជាច្រើនគ្រឿងនិង រថយន្តមួយចំនួនដឹកស្ករស រថយន្តខ្លះទៀតទ្រុងបិទជិត សង្ស័យជាទំនិញគេចពន្ធ បានមកផ្ទេរដាក់ក្នុងឃ្លាំងនៅជិតប៉ុស្តិ៍ច្រករបៀងព្រំដែនចំការម្ទេសក្នុងមួយថ្ងៃៗ ចាប់ពី០៥ទៅ០៦គ្រឿង សង្ស័យជាទំនិញគេចពន្ធមិនអាចដឹងថាជាទំនិញអ្វី ។ តាមប្រជាពលរដ្ឋ បានឲ្យដឹងថាឡានដឹកទំនិញចំណុះ៤៥តោនទៅ៥០តោន និងមានពាក់ស្លាកលេខ កំពង់ចាម3A 8739 កំពង់ចាម4A 0496 កំពង់ចាម4A 0836 និង មានលោហ្គោ785 Kដឹកជញ្ជូន2025។ បន្ទាប់មកក៏មានរថយន្តវៀតណាមនិងត្រាក់ទ័សណ្តោងរ៉ឺម៉កមកផ្ទេរដឹកឆ្លងដែនទៅវៀតណាមយ៉ាងគគ្រឹក គគ្រេង ឮស្នូសម្លេងម៉ាស៊ិនទ្រហឹងចាប់ពីម៉ោង៥និង៣០នាទីល្ងាចរហូតដល់យប់កណ្តាលអាធ្រាតដោយគ្មានរំខានដល់សមត្ថកិច្ចណាឡើយ ។ ដូច្នេះសូមលោកអភិបាលខេត្តស្វាយរៀងមេត្តាមានចំណាត់ការទប់ស្កាត់ ម្យ៉ាងទៀតរថយន្តធុនយក្សដឹកទំនិញទាំងនេះបើកបរបំផ្លាញផ្លូវរាល់ថ្ងៃហើយ បង្កឲ្យហុយធូលីដីចូលផ្ទះប្រជាពលរដ្ឋបណ្តាលឲ្យប៉ះពាល់ដល់សុខភាពកូនចៅពួកគាត់ដែលរស់នៅតាមបណ្តោយផ្លូវនេះ។ទាក់ទិនករណីនេះដែរអង្គភាពយើងមិនអាចរកការបំភ្លឺ Read more